Бизнес денсаулық сақтауға қалай көмектеседі. Solidcore Resources мысалында

Денсаулық сақтау Министрлігінің мәліметінше, Қазақстанда соңғы 5 жылда медициналық жабдықтарды сатып алуға 261 млрд теңгеден астам қаражат жұмсалған.

Еліміз бойынша медициналық жабдықтармен жарақтандыру деңгейі 80%-дан жоғары болған кезде, техниканың тозуына байланысты қызмет көрсету сапасы төмендеді. Көптеген аймақтарда ең қажетті жабдықтар жоқ.

Solidcore Resources металлургиялық компаниясы сияқты аймақтардағы ірі салық төлеушілер, өздерінің әлеуметтік жауапкершілік бағдарламасы аясында денсаулық сақтау саласының сұраныстарын жабады.

Solidcore компаниясының Қостанай облысындағы еншілес кәсіпорындары («Варваринское» АҚ және «Комаровск тау - кен кәсіпорны» ЖШС) Жітіқара ауруханасы үшін осы және көршілес аудандардың - Денисов және Қамысты аудандарының тұрғындарына диагностика мен тексеру жүргізу үшін томограф сатып алды. Компьютерлік томография кабинетінің ашылуы аурухананың диагностикалық қуатын арттыруға, халықтың денсаулығын сақтау үшін медициналық қызметтер тізбесін кеңейтуге мүмкіндік берді. Кабинет тәулік бойғы режимде жұмыс істейді, күн сайын 20-ға жуық пациент тексеруден өтеді. Бұған дейін осындай диагностикадан өту үшін жергілікті тұрғындар облыс орталығына 200 км қашықтықта баруға мәжбүр болған еді.

Таран аудандық ауруханасы үшін тыныс алу органдарының ауруларын диагностикалауға мүмкіндік беретін қолайлы спирограф сатып алынды. Монтессори бөлмесі жабдықталған Қостанай қалалық балалар ауруханасының жанындағы церебральды сал ауруымен ауыратын балаларға арналған оңалту бөлімшесіне қаржылай көмек көрсетілді.

Әрине, пандемия кезінде де кәсіпорындар шетте қалмады. Аудандық ауруханаларға жалпы сомасы 360 млн теңгеден астам инфрақызыл термометрлер, бетперделер, респираторлар, обаға қарсы костюмдер, оттегі концентраторлары, импульстік оксиметрлер, функционалдық кереуеттер, науқастарды тасымалдауға арналған қоларбалар (каталкалар), мүгедектер креслолары, электрокардиографтар, УДЗ аппараттары және басқа да медициналық жабдықтар сатып алынды.

Ағымдағы жылы Қостанай облысының әкімдігімен әлеуметтік-экономикалық ынтымақтастық және әлеуметтік әріптестік туралы Келісім шеңберінде, «Варваринское» АҚ бастамасы бойынша арнайы медициналық көлік сатып алынады. Майлин ауданының аудандық ауруханасына барлық қажетті жабдықтармен жабдықталған реанимобиль берілді, ал Жітіқара аудандық ауруханасына КАМАЗ автокөлігінің базасында жылжымалы рентгендік флюорографиялық цифрлық кешен КРФ-112 Флюкар жеткізілетін болады.

Бұл кәсіпорындардың өздері орналасқан аймақтағы көрсететін көмектерінің бір бөлігі ғана. Жалпы, «Комаров тау-кен кәсіпорны» ЖШС және «Варваринское» АҚ 2010 жылдан бастап Қостанай облысындағы әлеуметтік жобаларға 7,7 млрд теңгеден астам қаржы бөлді.

Solidcore Resources-те әлеуметтік инвестициялық бағдарламаларды жүзеге асыруға және жергілікті тұрғындармен өзара әрекеттесіп жұмыс жасауға жауапты арнайы бөлімшелер бар. Компания халықтың бағдарламаларды жүзеге асырудан барынша пайда алуын қатаң қадағалайды, сондықтан сыртқы мүдделі тараптармен іс-әрекеттерді талқылауға мүмкіндік беретін кері байланыс механизмі жұмыс істейді. Жергілікті қоғамдастықтардың кері байланысы өте маңызды және алтын өндіруші ашық диалог үшін мүмкіндіктерді үнемі кеңейтіп отырады - жергілікті тұрғындардан өтініштер қабылданады, қоғамдық тыңдаулар өткізіледі.