Тараз жастары «Эко LIFE» эстафетасын бастады
Тараздық жастар «Таза Қазақстан» экологиялық акциясы аясында «Эко LIFE» эстафетасын бастады, деп хабарлайды 24KZ.
150-ге жуық белсенді жас облыс орталығындағы «Көктем» алқабында тазалық жұмыстарын жүргізді. Жастар қураған шөптерді орып, алқапты қоқыстардан тазартты. Аталған акция барысында барлық ауданның жастары белгіленген орындарда тазалық жұмыстарын жүргізіп, эстафетаны келесі ауданға жолдайды. Осылайша, жоба апта сайын әр ауданда өтеді.
Жалпы Жамбыл облысында «Таза Қазақстан» акциясы басталғалы тазалық жұмыстарына 700 мыңнан аса тұрғын қатысты.
Медет Нұрділләұлы, белсенді жас:
- «Эко LIFE» жастар акциясы Тараз қаласында бірінші рет бастау алып жатыр. Бұл акцияны жыл соңына дейін әр ауданда өткізу жоспарланып отыр. Осы мақсатта жастарға дәріптеу мақсатында «Эко LIFE» жастар акциясын бүгін Жамбыл ауданына жолдадық. Жамбыл ауданы әрмен қарай Сарысу, Жуалы аудандарына жолдайды.