Таза Қазақстан: Жезқазғанда қоқысты балмұздаққа айырбастауға болады

«Қоқысты балмұздаққа айырбаста».

Жезқазғанда «Таза Қазақстан» жалпыұлттық жобасы аясында осындай атаумен экологиялық акция басталды. Егер көшеде шашылып жатқан 5 пластикалық құтыны жинап әкелсеңіз 2 балмұздаққа купон аласыз. Қалалық әкімдік пен «Жастар рухы» ұйымы мұрындық болған шараны кәсіпкерлер қолдап отыр. Ұйымдастырушылар «бұл балаларды тазалыққа және еңбексүйгіштікке тәрбиелейді» дейді. Акция оқушылардың жазғы каникулы аяқталғанша жалғасады.

Әділ Темоханов, қалалық ТКШ бөлімінің маманы:

- Балалар қауымы өте белсенділік танытып, мусорды жинап балмұздаққа айырбастап жатыр. Бүгінгі күнге дейін 2 рейс полигонға жіберілді. Мынау қазір арттағы қарасаңыздар бір күнде жиналған мусор. Акция әлі де жалғасады деп ойлап отырмыз.