Шымкентте үш мың көшет отырғызылды

Шымкентте 3 мың көшет егілді.

Тазалық акциясы Қазығұрт шағын ауданында өтті. Белсенді жастар мен еңбек ардагерлері, коммуналдық сала қызметкерлері мен әкімдік өкілдері үйеңкі және ерен ағаштарын екті. Бұдан бөлек бес ауданда сенбіліктер ұйымдастырылып, оған 17 мыңнан аса адам қатысты. Қала аумағынан 382 тонна қоқыс шығарылды.

Темірхан Қаржаубайұлы зейнеткер:

- Бүгін 78 жасқа толған күні бір қуанышты мерекеге кез болып тұрмын. Жер көгеріп жатса, ауа тазарып жатса, бұның қасына келіп демаламыз деген жүректегі жылу оянып жатса бұдан артық қуаныш жоқ қой.