Түрік лирасы құлдырады
Түркия ұлттық валютасы АҚШ долларына шаққанда 50 лирадан асып, ең төменгі деңгейге жетті. Бұл туралы Ekonomim басылымы хабарлады, деп хабарлайды 24KZ.
Сарапшылар доллар бағамы 55 лираға дейін өсуі мүмкін деп болжап отыр. Елде қазан айындағы жылдық инфляция 29,77 пайызды құрады. Ал айлық баға өсімі 2,58 пайызға жетті. 22-ші қазанда Түркия Орталық банкі базалық мөлшерлемені 1 пайыздық тармаққа төмендетіп, 36 пайызға түсірген еді.
