Қазақстан мен Қырғызстан арасындағы тауар айналымы ұлғаяды
Бүгін қос мемлекеттің өкілдері қатысқан жұмыс тобында осындай шешім қабылданды.
Тараптар «Қарасу» және «Ақ тілек» автожол өткізу бекеттері ауданындағы индустриялық сауда-логистикалық кешен жобасын іске асыру жөнінде уағдаласты. Сондай-ақ екі елдің уәкілетті органдары арасында жалған сәйкестікті растау туралы құжаттарды берудің және таратудың жолын кесу бойынша өзара іс-қимыл жөніндегі қорытынды хаттамаға қол қойды. Бұл құжаттар бойынша жедел ақпарат алмасу және олардың күшін жою туралы келісімдер жасалды.