Қажет болған жағдайда валюталық интервенция болады – Ұлттық банк

Егер Ресей рублінің шамадан тыс ауытқуы байқалса, оның теңгеге әсерін азайту үшін Ұлттық банк валюталық интервенциялар жүргізеді, деп хабарлайды «Хабар 24».

Бұл туралы аталған қаржы ұйымы мәлім етті. Алдағы күндері рубль бағамы айтарлықтай құбылуы мүмкін. Сондықтан интервенциялардың көлемі мен жиілігі ішкі валюта нарығындағы жағдайға байланысты болады. Бұл ретте теңге бағамы алтын-валюта активтерінің сақталуын қамтамасыз етуге мүмкіндік береді.