Мұнай өндіру рейтингіндегі Қазақстанның орыны

Жалпы әлем елдерімен салыстырғанда мұнай өндіруде Қазақстан 127 елдің ішінде 18-орында тұр. Тәулігіне орташа 1,7 миллиард баррель қара алтын өндіреді. Ал көш басында АҚШ, Сауд Арабиясы және Ресей тұр. Тек ТМД елдерін салыстырсақ, Ресейден кейін екінші орындамыз. Енді елдегі қара алтын өндірісі жайлы мәліметке тоқталып өтейік.

2021 жылы елде 85,7 миллион тонна мұнай өндірілді. Оның 67,6 миллион тоннасы экспортталған. 17,1 миллион тонна қара алтын өңделді. 13,1 миллион тонна мұнай өнімі шығарылды.

Оның 4,7 миллион тоннасы бензин, 4,8 миллион тоннасы дизель, 2,4 миллион тоннасы мазут, 933 мың тоннасы битум. Тағы 600 мың тонна авиакеросин алынды.

Энергетика министрлігінің мәліметіне қарағанда биыл мұнай өңдеу көлемін 17,9 миллион тоннаға дейін ұлғайту жоспарланған. Биыл алғашқы айда Қазақстандық мұнайшылар 6,7 миллион тонна қара алтын өндірді. Бұл былтырғы жылдың сәйкес кезеңімен салыстырғанда 14,2 процентке көп. Өңірлер бойынша айтсақ, мұнайдың 4,6 миллион тоннасы Атырау облысы, 1,4 миллион тоннасы Маңғыстау және 395 мың тоннасы Ақтөбе облысының аумағынан өндірілді.

МҰНАЙ ӨНДІРУ РЕЙТИНГІ

2022 ж. млн баррель

                Мемлекет атауы           Көлемі 

1             АҚШ                              14 837,6

2             Сауд Арабиясы              12 402,8

3             Ресей                            11 262,7

4             Қытай                           4 905,1

5             Канада                         4 596,7

6             Ирак                             4 443,5

7             Иран                             4 376,2

8             БАӘ                               3 772,8

9             Бразилия                       3 243,0

10           Кувейт                           2 990,5

18           Қазақстан                      1 698,3

 

МҰНАЙ ӨҢДЕУІ ІСІ

2021 ж

Өндірілді - 85,7 млн т

Экспортталды - 67,6 млн т

Өңделді -  17,1 млн т

 

ШЫҒАРЫЛҒАН ӨНІМ КӨЛЕМІ

Мұнай өнімі - 13,1 млн т

Бензин - 4,7 млн т

Дизель - 4,8 млн т

Мазут - 2,4 млн т

Битум - 933 000 т

Авиакеросин - 600 000 т