ЕДБ қатысуымен 285 жоба жүзеге асты

Еуразиялық даму банкінің қатысуымен елде 18 жылда 285 жоба іске асқан.

Оның басым бөлігі көлік инфрақұрылымы, цифрлық жүйелер, жасыл энергетика, ауыл шаруашылығы, өнеркәсіп және машина жасау салаларындағы жобалар. Бұл туралы Премьер-министр Олжас Бектеновтің қатысуымен өткен Еуразиялық даму банкі Кеңесінің отырысында айтылды. Банктің жылдық инвестиция көлемі 1,7 млрд долларды құрады. Ал 18 жыл ішінде жинақталған инвестициялық портфель 14,7 млрд долларға жеткен.