Қазақстан мен Өзбекстан құны $3,1 млрд болатын 69 жобаны жүзеге асырмақ

Екі ел арасында өнеркәсіптік кооперация белсенді дамып келеді, деп хабарлайды 24kz.

Құны 3,1 млрд долларлық 69 жоба, 14 мыңнан астам жұмыс орнын құруды көздейді. Қазірдің өзінде 217 млн долларға 12 бірлескен жоба сәтті жүзеге асырылды. Олар тұрмыстық техника, жүк және жеңіл автокөліктер, тракторлар өндірісі. Тағы 178 млн доллардан астам сомаға үш инвестициялық жобаны іске асырылуда. Олардың қатарында Тараз қаласындағы қуаты 500 мың тонна болат өнімін шығаратын электр металлургиялық зауыт пен Шымкент қаласында инфузиялық ерітінділерді өндіру өндірісі бар.

Қазақстан-Өзбекстан бірлескен жобалары

$3,1 млрд – 69 жоба іске асады

14,7 мыңдай жұмыс орны ашылады

$217 млн – 12 бірлескен жоба сәтті жүзеге асырылды

$178 млн – үш инвестициялық жоба іске асырылуда