Қазақстан мен Қырғызстан арасындағы сауда айналымы 26%-ке артты
Былтыр Қазақстан мен Қырғызстан арасындағы сауда айналымы 26%-ке өсті, деп хабарлайды 24KZ.
Ал биылғы 5 ай ішінде 614 млн доллардан асты. Оның ішінде қазақстандық экспорт көлемі 7%-ке артты. Қазіргі таңда елдер арасындағы Одақтастық қатынастарды тереңдету және кеңейту туралы келісімді орындау бойынша бірлескен жұмыстар жүріп жатыр. Бұл құжатта сауда-экономикалық, көлік-логистикалық, су-энергетикалық және ауыл шаруашылығы саласындағы әріптестікті күшейту көзделген.