СҚО-да Орталық Азиядағы ең ірі сүт фермасы салынып жатыр

Солтүстік Қазақстан облысында Орталық Азиядағы ең ірі тауарлы сүт фермасы салынып жатыр.

Заманауи кешенде 8 мың сауын сиыр болады. Барлық процесс жасанды интеллект көмегімен бақыланады. Құрылысы былтыр басталған ферма биыл пайдалануға беріледі. Инвестициялық жобаны жүзеге асыруға 9 миллиард теңге бөлінді. Қазір өңірде 110 тауарлы сүт фермасы болса, оның 42-сі заманауи. Жалпы облыс былтыр аграрлық салада 940 миллиард теңгенің өнімін шығарды.

Дәурен Тоққожынов, ауыл шаруашылығы басқармасының басшысы:

- Мемлекеттің қолдауы арқасында сүтті мал шаруашылығы қарқынды дамып келеді. Былтыр өңірде 17 тауарлы-сүт фермасы іске қосылды. Бұл сүт өндірісін 65 мың тоннаға ұлғайтуға мүмкіндік береді.