Павлодар облысында ақтүтек боран соғып тұр
Павлодар облысында ат құлағы көрінбейтін ақтүтек боран.
Төтенше жағдайлар қызметі мен полиция күні-түні жол бойын күзетіп тұр. Өңірде 188 жылыту тірегі жұмыс істеп тұр. Бұл тірек орындарында шамамен 20 мың адам паналай алады. Күн райының күрт нашарлауына байланысты барлық жолдар жабық. Боран мен желдің жылдамдығы секундына 23-28 метрге дейін жетеді. Әлі де қар жауып, кей жерлерде қалың тұман түсуі мүмкін деген ақпар бар. Құзырлы органдар сақтанып, жылы жүруді, мүмкіндігінше жолға шықпауды ескертеді.