Елде 655 медициналық нысан салынды
«Ауылда денсаулық сақтауды жаңғырту» ұлттық жобасы аясында 655 алғашқы медициналық-санитариялық көмек нысаны салынды.
Оның 260-ы медициналық, 235-і фельдшерлік-акушерлік пунктер және 160-ы дәрігерлік амбулатория. Нәтижесінде ауылдық жерлерде 1 миллионға жуық адам медициналық қызметке қол жеткізді. Сонымен қатар 32 аудандық аурухана жаңарып, ауданаралық көпбейінді мекемеге айналды. Бұл 4 миллионнан астам ауыл тұрғынына мамандандырылған және жоғары технологиялық медициналық көмек алуға мүмкіндік береді. Ал жаңғыртылған нысандарда жұмыс істеу үшін мыңнан аса медицина маманы даярланды.