Қазақстанда әлеуметтік төлемдер мен жәрдемақылардан ерікті түрде бас тартуға арналған жаңа цифрлық сервис іске қосылды, деп хабарлайды «24KZ». Еңбек және халықты әлеуметтік қорғау министрлігінің мәліметінше, 2026 жылдың қазан айынан бастап қолданысқа енгізілген бұл мүмкіндік мемлекеттік қолдауға мұқтаж емес, өз қажеттіліктерін өз бетінше қамтамасыз етуге мүмкіндігі бар табысы жоғары азаматтарға арналған.
Бұл шара ешқандай міндеттеме немесе шектеу тудырмайды, тек азаматтың жеке жауапкершілігі мен саналы таңдауына негізделген ерікті шешім болып табылады.
Жаңа қызмет түрі тек eGov Mobile ресми мобильді қосымшасында және eGov.kz порталында жұмыс істейді. Сервиске кірген кезде жүйе деректерді автоматты түрде тексеріп, азаматқа төленіп жатқан жәрдемақылардың тізімін көрсетеді, ал егер адам ешқандай төлем алмаса, жүйе бұл туралы хабарлап, сервисті пайдалануға шектеу қояды. Қандай да бір ақпаратты қолмен енгізудің қажеті жоқ, ал қағаз жүзінде өтініш толтырып, ведомстволарға бару талап етілмейді. Егер азамат белгілі бір төлемден бас тартуды шешсе, тізімнен тиістісін таңдап, электронды өтінішті растауы жеткілікті.
Министрлік бұл қадам азаматтардың болашақта мемлекеттік қолдау алу құқығын шектемейтінін атап өтті. Өмірлік жағдайы өзгерген жағдайда кез келген адам тиісиілі жәрдемақыны қайта тағайындау жөнінде қайта өтініш бере алады, ал бұл өтініш қолданыстағы заңнамаға сәйкес қаралады. Қосымшада пайдаланушылардың ыңғайлылығы үшін кері байланыс орнату мүмкіндігі де қарастырылған.
Сонымен қатар ведомство азаматтарды сақ болуға шақырып, министрлік мессенджерлер арқылы ешқандай күмәнді сілтемелер жібермейтінін, барлық қызметті тек ресми eGov жүйесі арқылы ғана тексеру қажеттігін ескер
