Павлодарда Сағадат Нұрмағанбетовке ескерткіш тақта орнатылды

Павлодарда Кеңес Одағының батыры, Тәуелсіз Қазақстанның тұңғыш Қорғаныс министрі Сағадат Нұрмағанбетовке ескерткіш тақта орнатылды.

Шараға  қала тұрғындары, жастар мен зиялы қауым өкілдері қатысты. Олар Халық Қаһарманы жайлы естеліктерімен бөлісті.

Махмұт Нәлібаев, С. Нұрмағанбетов қорының басшысы:

-  Енді осы жалаудың жалғасы рухани астанамыз түркістандық азаматтар алып кеткісі келіп тұр. Сол рухани астанамызға барып сол өздерінің ойында жүрген біраз патриоттық жұмыстарды жасамақшы. Әлде де біраз ойлар бар. Көп жұмыстар жасалып жатыр. Көп кітаптар шығарылды. Көп деректі фильмдер шығарылып жатыр.

Айтуар Қалыбек Қабанбай, жас сарбаз лицей-интернатының тәрбиеленушісі:

- Жалпы бүгін мен үшін өте ерекше күн. Атамыздың, Сағадат Нұрмағанбетовтың ескерткішінің ашылуына келіп отырмыз. Өте қуаныштымын. Болашаққа мақсатым Жас сарбаз лицей, мектеп-интернатын бітіріп және де Алматы қаласы  Сағадат Нұрмағанбетов атындағы құрлық әскери институтына түсу.