Қарағанды облысында ірі көлемде қару-жарақ табылды
Қарағандылық полицейлер қала шетіндегі орман алқабынан ірі көлемде қару-жарақ пен оқ-дәрі тауып алды, деп хабарлайды «Хабар 24».
Орманнан табылған қару-жарақ пен оқ-дәрілерге қатысты тиісті сараптама тағайындалды. Бұдан өзге, Қылмыстық кодексінің 287-бабы 3-бөлігіне сәйкес іс қозғалды. Қару-жарақ иесі табылса, 5 жылға дейін бас бостандығы шектеліп немесе түрмеге қамалуы мүмкін.