Ақмола облысында жол жабылды

Ауа райының нашарлауына байланысты «Көкшетау-Атбасар», Астана-Көкшетау арасында барлық автокөлік түрлеріне жол жабылды.

Жол бойындағы қызмет мекемелері күшейтілген жұмыс режиміне көшті. "Қазавтожолдың" хабарлауынша, аталған екі бағытта 30 арнайы техника жұмыс істеп жатыр. Жалпы, бүгін елдің біраз өңірде жел күшейіп, жаңбыр жауады, күн суытып, көктайғақ болады. «Қазгидрометтің» болжамына сүйенсек, Павлодар, Петропавл және Астанада жауған жауынның аяғы қарға ұласады. Солтүстік, шығыс және орталық өңірлердегі желдің екпіні секундына 28 метрге дейін жетеді. Ал оңтүстік облыстарда қалың тұман түсіп, жаңбыр жауады.