Өнерлі жолаушылар пойызда ән-күйден шашу шашты

Атырау-Астана бағытындағы пойыздың жолаушылары сапар үстінде кішігірім концертке куә болды, деп хабарлайды 24KZ.

Жас домбырашылар Қадыр Мырза Әлінің «Нағыз қазақ осы, міне, танып қой» әнін әуелетіп, күйден шашу шашты. Рухты әнмен жолаушыларға ерекше сезім сыйлаған балалар алғысқа бөленді. Өнерпаздар мереке күндері елордада өтетін музыкалық жарысқа қатысу үшін жолға шыққан.