Қарин Бигелдиновтің ескерткішіне гүл шоқтарын қойды

Жеңіс күніне орай Мемлекеттік кеңесші Ерлан Қарин аты аңызға айналған ұшқыш Талғат Бигелдиновтің ескерткішіне гүл шоқтарын қойды.

Даңқты қаһарман рухына тағзым еткендер қатарында Ұлттық құрылтайдың және Жастар саясаты жөніндегі кеңестің бірқатар мүшесі де болды. Жиынға қатысушылар Жеңіс жолында ерлікпен шайқасқан батырларды бір минут үнсіздікпен еске алды.

Айта кетейік, 1945 жылғы Жеңіс шеруіне қатысқан Кеңес Одағының екі мәрте батырына қойылған еңселі ескерткіш елордамыздың Сарыарқа даңғылы мен Талғат Бигелдинов көшелерінің қиылысында 2021 жылы бой көтерген.