ШҚО-да шалғай аудандардағы 170 мектеп интернетке қосылады
Шығыс Қазақстан облысының шалғай аудандарындағы 170 мектеп интернетке қосылады, деп хабарлайды 24KZ.
Биыл Катонқарағай, Күршім және Үлкен Нарын аудандарына сапалы интернет тартылмақ. Қауіпсіздікті қамтамасыз ету үшін спутниктерді жеке тұрған ғимараттарға орнату көзделген. Жаңа интернеттің көмегімен 10 гигабайттан асатын файлдарды 1 сағат ішінде жүктеуге болады. Оқу-ағарту министрлігінің мәліметінше, биыл SpaceX интернетіне 1967 мектеп қосылады.
Дәурен Мамырбаев, ШҚО Білім басқармасының маманы:
- Мұғалімдер күн сайын электронды күнделік толтырады. Интернет болмаса ұстаздардың жұмысы қиындайды. Енді сапалы интернет тартылса, мұндай мәселе туындамайды.