Өскеменде 16 аула және 10 балалар алаңы салынады

Өскеменде күзге дейін 16 аула және 10 балалар алаңы салынады. Бұл мақсатқа қала бюджетінен 400 миллион теңгеден аса қаражат бөлінді, деп хабарлайды 24KZ.

Осылайша, арамшөп басып, бос тұрған жерлер енді демалыс орнына, серуендеу алаңына айналады. Алдымен 1960-70 жылдары бой көтерген көпқабатты көне үйлердің ауласы жаңартылады.

Антонина Литвиненко, қалалық ТҮКШ бөлімінің маманы:

- Біз аулаға не қоямыз, қалай жөндейміз, оның бәрін тұрғындармен кеңесіп барып шешеміз. Жалпы балалар және жаттығу алаңы, сонымен қатар қарттардың демалуына ыңғайлы аумақтар жабдықтаймыз.

Светлана Барнина, қала тұрғыны:

- Біз әлеуметтік желіде ауланы абаттандыру туралы ойымызды айтатын өзара топ ашып алдық. Өте белсендіміз. Әр нәрсені қалт жібермей қадағалаймыз. Сенбіліктерге де бір адамдай қатысамыз.