Қарағанды – Балқаш жолында көлік қозғалысы 4 жолақ бойынша ашық

Қарағанды – Балқаш автобанының Қарағанды – Ақбастау учаскесіне жататын 50 шақырым жолында құрылыс жұмыстары аяқталды, деп хабарлайды 24kz.

Көлік қозғалысы 4 жолақ бойынша ашық. Күре жол құрылысы толық биыл жыл соңына дейін бітуі тиіс.

Руслан Нұрланұлы, тілші:

- Қарағанды – Балқаш автобанының жалпы ұзындығы 363 шақырым. Құрылыс 8 учаскеге бөлінген. Бұған дейін бұл жолда көлік қозғалысы тек екі жолақпен ғана жүзеге асырылды. Міне, бүгін Қарағанды – Ақбастау учаскесіне жататын 50 шақырым жол толық ашылып отыр. Жалпы бұл автобанмен тәулігіне 18 мың көлік жүріп өтеді. Ал демалыс күндері 2 есе көп,

Сәтжан Аблалиев, ҚР Көлік вице-министрі:

- Бұл жұмыстар жылдың аяғында бітуі тиіс учаске еді. Бүгінгі күні соны ертерек тапсырып жатырмыз. Бұл учаске 1-і техникалық категориялы. 4 жолақты болып табылады. Жобада барлық қауіпсіздік шаралары түгелдей дерлік қаралған.

Қарағанды – Балқаш жолының құрылысы 5 жыл бұрын басталған. Құрылыс кестеден кешікті. Орталық – Оңтүстік дәліз саналатын күрежол еліміз үшін үлкен маңызға ие. Қазір жол бойында 6 асфальт-бетон зауыты бар. 450 техника мен 700 адам жұмылдырылған. Жол бойында 46 көпір және өткелдер салынған. Сондай-ақ 18 санитарлық бекет болады.

Авторлары: Руслан Нұрланұлы, Сайран Ақамбаев, Зарина Зұлпыхар