Үкімет басшысы металлургтерге Президент құттықтауын жеткізді

Олжас Бектенов Өскемендегі «Казцинк» өндірістік кәсіпорнында да болды деп хабарлайды 24kz.

Елдегі түсті металлургияның көшбасшысы саналатын зауыт 29 мың адамды жұмыспен қамтып отыр. Үкімет басшысы отандық өнеркәсіпті қарқындату жолында адал қызмет етіп, міндетін мінсіз атқарып жүрген металлургтерге кәсіби мереке қарсаңында Президент құттықтауын жеткізді. Слесарь, ауысым шебері, жөндеуші, технолог сынды үздік мамандарға мемлекеттік наградалар мен алғысхаттар табыстады. Сондай құрметке ие болғандардің бірі – Қадырбек Абайділдинов. Оның осы зауытта еңбек етіп келе жатқанына 30 жылға жуықтады.

Қадырбек Абайділдинов, қорғасын-мырыш комбинатының технолог маманы:

- Мен өзім таң болдым, тосқан жоқ болатынмын марапаттайды деп, қуаныштымын. Мереке күні бәрімізге құтты болсын, алдымен өз әріптестерімді құттықтағым келеді,жұмыстары жемісті болып, отбасы аман болып, алға қойған мақсаттарымызға жете берейік.