TazaQazBot жаңа сервисі іске қосылды

«Таза Қазақстан» акциясы аясында елімізде жаңа Telegram бот іске қосылды, деп хабарлайды 24kz.

TazaQazBot өтінім беру жүйесі арқылы жолдар, саябақтардың, көшені жарықтандыру, абаттандырудың экологиялық проблемалары туралы хабарлауға болады. Ол үшін Сіз аумақты суретке түсіріп, оны чат-бот жеделхатына жүктеп, мекенжайын көрсетіп, мәселені сипаттауыңыз керек. Қоғамдық, сондай-ақ жеке аумақтардың санитарлық жағдайына байланысты барлық хабарламалар қабылданады.

Жүзім Дәулет, ҚР ЭТРМ Қалдықтарды басқару департаментінің басқарма басшысы:

- Қажетті ақпаратты фотоға түсіріп жібергеннен кейін белгіленген мерзімде орындап, фотоға түсіріп, қажет болған жағдайда қысқаша мәлімет береді. Сіз ол жауапты көргеннен кейін сіз оған қанағаттанасыз ба, қанағаттанбайсыз ба баға берсеңіз болады. Сол бағаға қарап, әкімдіктердің, министрліктердің, мемлекеттік органдардың рейтингісі болады.