Елімізде жүргізуші куәлігін алу қызметі өзгерді
Енді eGov.kz порталын пайдаланушылар жүргізуші куәлігін жарамдылық мерзімі аяқталған немесе жоғалған кезде де оңай ала алады, деп хабарлайды 24kz.
Азаматтарға ыңғайлы болу үшін Халыққа қызмет көрсету орталығы бөлімшелерінің тізімі кеңейтілді. Бұл туралы «Ұлттық ақпараттық технологиялар» Акционерлік қоғамы хабарлады. Жүргізуші куәлігін қайта шығару кезінде онлайн сұрау салу арқылы бар болғаны 60 минут қана уақыт жұмсайсыз. Ал, Халыққа қызмет көрсету орталығы бөлімшелеріне аяқтай барсаңыз, екі сағат уақытта алуыңызға болады.