Ақтөбеде Абай ескерткішіне гүл шоғы қойылды

Ақтөбеде Абай ескерткіші жанында ақынның өлеңі оқылып, әндері шырқалып, театрландырылған қойылым сахналанды, деп хабарлайды 24KZ.

Шараға ғалымдар, абайтанушылар және қала тұрғындары қатысты. Олар ескерткішке гүл шоғын қойып, ұлы ақынның рухына тағзым етті. Мерекеге арналған мәдени іс-шаралар кешке дейін жалғасады. Мәдениет үйінде жастардың қатысуымен Абай оқулары байқауы мен концерт өтеді. Ұйымдастырушылардың айтуынша, ақынның шығармаларына жастар тарапынан сұраныс артқан.

Алтынай Юнисова, облыстық мәдениет, архивтер және құжаттама басқармасының басшысы:

- Абай шығармалары жылдан-жалға құнарланып келеді. «Абай жолы» кітабы былтыр қайта басылып шығып, биыл облыстың 4 облыстық кітапханаға таратылды. Сұраныс әлі бар. Жалпы Абайға арналған кештер, мерекелік шаралар жыл бойы жалғасын таба береді.