Астана әуежайының жұмысы қайта жанданды

Астана әуежайының жұмысы жарты сағат бұрын қайта жанданды. Бұл туралы әуежайдың баспасөз қызметі хабарлады.

Естеріңізге салсақ, бүгін жергілікті уақыт бойынша сағат 16:00-де Токиодан Цюрихке ұшқан Swissair ұшағы Астана әуежайына шұғыл қонды. Экипаж 50 жастағы жолаушының инсульт алды деген күдігіне байланысты қонуға шешім қабылдаған. Алайда экипаж қателігінен ұшақ жолақтан сырғып кеткен. Құтқару жұмыстарын жүргізу үшін ескерту жарияланды. Осыған байланысты Астана әуежайы 2 сағатқа барлық рейстердің ұшуын уақытша шектеді.