Р. Қошқарбаев пен К. Ақышевтың 100 жылдығына арналған монеталар шығарылады

Ұлттық Банк Рахымжан Қошқарбаев пен Кемел Ақышевтың 100 жылдығына арналған коллекциялық монеталарды айналысқа шығарады, деп хабарлайды 24KZ.

Халық қаһарманы, Ұлы Отан соғысының батыры Рахымжан Қошқарбаев бейнеленген монеталар мельхиор қоспасынан жасалды. Номиналы – 200 теңге, таралымы – 5 000 дана. Көрнекті археолог және ғалым Кемел Ақышевтың құрметіне жасалған монеталар да дәл осындай таралыммен шығады.

«Есте қалатын оқиғалар мен біртуар адамдар» сериясынан таралатын монеталар 28 тамыздан бастап сатылады.