Қорғаныс министрі «Арыстан» лицейінің тәрбиеленушілерімен кездесті

Қорғаныс министрі «Арыстан» лицейінің тәрбиеленушілерімен кездесіп, оларды Қарулы күштер қатарына қосылуға шақырды, деп хабарлайды 24kz.

Руслан Жақсылықов лицейдің оқу-материалдық базасымен танысып, жүзу жарысын бағалап, жеңімпаздарды марапаттады. Министр казарманы, оқу кабинеттерін аралап, лицейліктердің сұрақтарына жауап берді. Әсіресе, Қарулы күштердің қызмет ерекшеліктеріне тоқталып, Отанға қызмет ету құрметті де қасиетті парыз екенін атап өтті.

Руслан Жақсылықов, ҚР Қорғаныс министрі:

- Мен жүрек қалауымен әскери училищеге бардым. Өз міндетімді адал орындауым және қиындықтарға мойымауым мені осы жетістіктерге жеткізді. Мен сіздерге әрдайым табанды болып, мақсаттарыңызды айқындап, спортпен шұғылдануға кеңес беремін. Сонда міндетті түрде жетістікке жетесіздер.