Көшпенділер ойындары: еріктілер қонақтарға бауырсақ таратты

Шетелдіктер ұлттық тағамнан дәм татты. Елордалық еріктілер V Дүниежүзілік көшпенділер ойындарының қонақтарына бауырсақ таратты, деп хабарлайды 24KZ.

Игі шараны елорда әкімдігі мен Туризм және спорт министрлігінің өкілдері ұйымдастырды. Туристерге қазақтың ұлттық тағамы ерекше ұнады. Сонымен қатар волонтерлер тазалық сақтап, шаһарды ластамауға шақырды.

Әлфараби Маймақ, Астана қаласы жастар ресурстық орталығының бөлім басшысы:

- Астана жастарының еріктілері 2 акция ұйымдастырған еді. Біріншісі – «Бауырсақ TIME», екіншісі – ол «Таза Қазақстан» акциясы. Екі акцияның басты мақсаты – тазалыққа насихаттау, сонымен қатар Дүниежүзілік ойыны кезінде шетелден келіп жатқан азаматтарымызға халқымыздың қандай екенін көрсету.