Референдум: сайлау учаскесі туралы ақпаратты 4 тәсілмен онлайн білуге болады

Елордалықтар өз сайлау учаскесі туралы ақпаратты үйден шықпай-ақ, бірнеше әдіспен біле алады.

Бұл туралы Астана әкімдігінің ресми сайты хабарлады. Әр азамат учаскесін 4 тәсілмен онлайн табады. Яғни, referendum.astana.kz порталы, тelegram чат-боты, IKomek бірыңғай байланыс орталығы немесе 109 телефоны арқылы мәлімет ала аласыз. «Smart Astana» мобильді қосымшасында «New» бөлімінде референдум учаскесін іздеу де бар.

Естеріңізге сала кетейік, 6 қазан күні Қазақстанда АЭС салу бойынша жалпы республикалық референдумы өтеді.