Риддерде әлеуметтік нысандарға жылу беріледі

Риддерде апта соңына қарай әлеуметтік нысандарға жылу беріледі.

Қазір жылу орталығында қысқы кезеңге соңғы қам жасалып жатыр. Шаһардағы тұрғын үйлердің 90% желіге қосылуға әзір. Ал есептеу құралдары бар үйлердің тұрғындары жылу орталығының қызметін қазірден бастап пайдалана алады. Мазут пен көмір қоры да жеткілікті. Қазір станцияда екі қазандық дайын тұр. «Күн күрт суытса өзге қазандықтар да іске қосылады», - дейді энергетика және тұрғын үй комуналдық шаруашылығы басқармасының басшысы Нұрлан Рамазанов.

Нұрлан Рамазанов, ШҚО энергетика және ТҮКШ басқармасының басшысы:
- Яғни қазан айында бізде қажетті екі қазандық орнына резервте тағы екі қазандық дайын болады. Үш-бес күннің ішінде орталық тәуліктік температура он градустан төмен болса, жылыту маусымын жергілікті әкімнің шешімімен бастауға болады.