Былтыр Қазақстанда 388 400 бала дүниеге келді

Ұлттық статистика бюросының дерегі бойынша оның 51,6 пайызы ұл, қалған 48,4 пайызы қыз. 230 300 бала қалада туса, 158 мыңы ауылды аймақта дүниеге келген.

Бала туу көрсеткіші Түркістан, Маңғыстау облыстары мен Шымкент қаласында жоғары, ал Солтүстік Қазақстанда төмен. 1000 сәби отбасыдағы сегізінші бала екені анықталды. Ал 23 пайызы, яғни 90 мың 700 сәби екінші бала боп туған. Сол секілді 4 075 егіз, 48 үшем және 1 төртем дүниеге келді. Қазіргі таңда елдегі халық саны – 20 млн 182 мың.