Елімізде жиналған астық көлемі 16 млн тоннадан асты
Елде орақ науқаны қызу жүріп жатыр. Ара-тұра жауын қыстағанмен, диқандар егінін жартылай орып үлгерді, деп хабарлайды 24kz.
Осы уақытта қамбаға түскен астық көлемі 16 млн 600 мың тоннадан асты. Өңірлер бойынша көш басында Солтүстік Қазақстан өңірі тұр. Мұнда 4 млн тоннаға таяу егін жиналды. Ақмола облысы шамамен 3 млн тоннадан асады. Одан кейінгі Қостанай өңірінде 3 млн тоннаға жақындап қалған. Жалпы аталған үш өңір – елдегі негізгі астықты аймақтар. Олардан бөлек, Павлодар, Қарағанды, Ақтөбе және басқа да өңірлер де бидай орып жатыр.