СҚО-да 3,8 млн тонна астық жиналды

Солтүстік Қазақстан облысы 3 млн 800 мың тонна өнім жинады, деп хабарлайды 24kz.

Бұл жалпы көлемнің 66%-і. Мұнда әр гектарынан орташа есеппен 17,5 центнерден астық алып жатыр. Орақ науқанына 7 мың комбайн жұмылдырылған.

Естеріңізге салсақ, қыркүйектің басында жаңбыр жауып, жиын-терін уақытша тоқтап қалған еді. Осыған байланысты күзгі дала жұмыстарын ұйымдастыру жөнінде жедел-штаб құрылды. Қазір өңірде 46 элеватор жұмыс істеп тұр. Одан бөлек, кейбір шаруашылықтарда жеке астық қабылдау орны бар.

Анастасия Харламова, Ауыл шаруашылығы басқармасының баспасөз хатшысы:

- Қазір элеваторларға 880 мың тонна өнім түсті. Биылғы орақ науқанына Үкіметтен 59 мың тонна жанар-жағармай бөлінді. Сонымен қатар астық қабылдау орындарына қосымша 20 мың тоннасы келді.