Жезқазғанда атом энергетикасының артықшылығы талқыланды

Жезқазғанда өткен жиында ғалымдар атом энергетикасының артықшылығын талқылады, деп хабарлайды 24kz.

Яғни күрделі энергетикалық нысанның экологияға әсері мен экономикаға тигізер пайдасын қарастырды. Сондай-ақ отандық энергетика саласын әлемдік үрдістермен салыстыра отырып, талдау жасады. Қазір елімізге тұрақты энергия көзі қажет. Ал, электр қуаты тапшы кезде ешкімге тәуелді болмау аса маңызды.

Жанат Қабасқызы, Ө.Байқоңыров атындағы Жезқазған университетінің аға оқытушысы:

- Табиғи ресурстар өмір бойы шексіз емес. Олар таусылған кезде халықтың, еліміздің болашағының қалай болатынын ойлауымыз керек. Сол себепті атом электр станциясын салуға мен қарсы емеспін. Атом электр станция деген күрделі құрылыс. Бұл өте керекті біздің Қазақстанға үшін. Себебі, өзіміздің елімізде болмаса басқа елге қарап отыруға мүмкіндік жоқ. Сондықтан жастарды шақыру керек. Білімді жастар келу керек. Оларды оқыту керек.