ҚСЗИ: АЭС салуды қолдаушы саны артып жатыр
Елімізде атом электр станциясының құрылысын қолдаушылар саны артып жатыр.
Қазақстанның стратегиялық зерттеулер институты жүргізген сауалнама нәтижесі осындай. Мәселен, биыл тамыздың 7-18 күндері аралығында жүргізілген сауалнамада жауап берушілердің 53 пайызы қолдаған. 18 тамыз бен 17 қыркүйек аралығындағы көрсеткіш 60 пайыздан асса, қыркүйектің 13-і мен 26-сы аралығындағы әлеуметтік тәжірибе қорытындысы бойынша халықтың 73 пайызға жуығы оң пікір білдіріпті.