Ақмола облысында астықтың 80%-ы қамбаға құйылды

Бұл – 5 млн тонна бидай. Орташа өнімділік гектарынан 13 центнерден айналып жатыр.

Жалпы биыл өңірде егін бітік шықты. Диқандар 6 млн тоннаға жуық астық жинауға үмітті. Күзгі жиын-терім науқанына 9 мыңға жуық заманауи техника жұмылдырылды.

Кенеш Әлімжанов, Ауыл шаруашылығы басқармасының басшысы:

- Биыл біз шамамен 5,2 млн тонна астық жинаймыз деп жоспарлағанбыз. Қазір осы межені орындадық. Бірақ орақ науқаны жалғасып жатыр. Ауа райы осылай ашық болып тұрса, жоспарды 10 қазанға дейін толық аяқтаймыз.