Жалтыр – Макинск тасжолы уақытша жабылды
Күн райының күрт өзгеріп, температураның төмендеуінен Ақмола облысындағы Жалтыр – Макинск тасжолы уақытша жабылды.
Бұл жайлы Астрахан аудандық Төтенше жағдайлар бөлімі хабарлады. Құтқарушылар аудан тұрғындары мен қонақтарын жолға шықпау қажеттігін ескертті.
Ғұмар Ғалымханов, Астрахан аудандық ТЖБ Азаматтық қорғау аға лейтенанты:
- Ауа райының күрт өзгеруінен, температураның -6 градусқа дейін төмендеуіне байланысты уақытша облыстық маңызы бар Жалтыр – Макинск жолы жабық. Осыған орай Астрахан ауданының тұрғындары мен қонақтарын төтенше жағдайларды болдырмауға байланысты ұзақ сапарға шықпауларыңызды сұраймын.