Абай облысында спорттық модуль халық игілігіне берілді

Абай облысының Таскескен ауылында спорттық модуль пайдалануға берілді, деп хабарлайды 24KZ. Республика күніне орай нысан салтанатты түрде ашылды. Бұған дейін ауыл балалары мектептің спортзалында жаттығатын еді. Енді елді мекенде бұқаралық спортты дамытуға мүмкіндік бар. Модульде дзюдо, грек-рим, футболдан үйірмелер болады.

Бұған қоса ауылда екі көшенің жолы жөнделіп, екі шақырым жол халық игілігіне берілді. Мерекеде алты отбасы баспаналы болды.

Айта кетейік Үржар ауданында «Қуатты өңірлер – ел дамуының драйвері» ұлттық жобасы аясында 41 екіпәтерлі үйдің құрылысы жүріп жатыр.

Айдын Қожаев, Қоңыршәулі ауылдық округінің әкімі:

- Болашақта жеті дүркін әлем чемпионы Дәулет Тұрлыханов ағаларымыз, ауыр атлетикадан Нұрғазин Қажымұрат ағаларамыз секілді солардың ізін басатын жастар болады деген сенімдеміз. Әлем чемпиондары шыға берсін. 25 қазан – Республика күні құтты болсын!