Жезқазғанда тұңғыш ІТ орталық ашылды
Заманауи техникамен жабдықталған ғимаратта оқушылар үшін арнайы кабинеттер жасақталған, деп хабарлайды 24kz.
Мұнда инновациялық жобалар әзірленіп, ақпараттық технология саласының мамандары даярланады.
«Қазір тұрғындарға инвестиция тарту және қаржылық есеп жүргізу бойынша жан-жақты көмек көрсету басталып кетті», - дейді орталық директоры Бүркіт Қарлыбай. Бұдан бөлек, оқушылар мен студенттер түрлі платформалар арқылы бағдарламалау курстарынан тегін өтеді.
Бүркіт Қарлыбай, «Ulytau Hub» орталығының директоры:
- Біздің басты міндетіміз – ІТ саласына қызығушылық танытқандарға тең мүмкіндік беру. Стартап жобалары бар адамдар осы жерде бәрін жүзеге асыра алады. Қазір 10-ға жуық оқушыға бағдарламалау тілін үйретіп жатырмыз. Одан бөлек, бұл жерде түрлі тақырыпта лекциялар мен хакатондар ұйымдастырылады.