Көкшетауда 37 спорт және балалар алаңы салынып жатыр

Биыл Көкшетауда «Халық қатысатын бюджет» бағдарламасы бойынша тұрғындардан 50-ге жуық өтінім келіп түсті, деп хабарлайды 24kz.

Соның ішінде ең көп дауыс жинаған 19 ұсыныс қаржыландырылды. Жаңадан балалар мен спорт алаңдары салынды. Аулалар абаттандырылып, қалыпқа келтірілді. Одан бөлек, жергілікті әкімдік есебінен балаларға арналған тағы 18 нысан тұрғызылады.

Махаббат Самрат, қала әкімінің кеңесшісі:

- Қосымша қаражат есебінен Көкшетау қаласында 8 алаң бойынша жұмыстар жалғасып жатыр. Бұған қоса, Красный яр ауылында 10 алаң, яғни, 4 спорт воркаут және 6 балалар ойын алаңы бойынша жұмыстар жүргізілді.