Қарулы Күштерге 53 жауынгерлік машина алынды

Ағымдағы жылы Қарулы Күштерге 100-ден астам жауынгерлік машина мен авиациялық техника алынды, деп хабарлайды 24KZ. Құрлық әскерлері бөлімшелерінің ұтқырлығы мен қауіпсіздігін арттыру үшін «Арлан» сауытты дөңгелекті машинасының 53 бірлігі алынды.

Сонымен қатар «COBRA II» сауытты дөңгелекті машинасының 45 техникасы жеткізілді. Бұл армияның белсенді жауынгерлік жағдайында операциялар жүргізу мүмкіндігін едәуір арттырды. Қосымша қаржыландыру аясында Испаниядан A400M әскери көлік ұшағы келді. Қару-жарақ пен техниканың қолданыстағы үлгілерін жаңғыртуға және күрделі жөндеуге көп көңіл бөлінді.

Жыл басынан бері 85 бірлік қару-жарақ, құрлықтағы және авиациялық және әскери техника, оның ішінде 8 армиялық авиация тікұшағы мен 5 радиолокациялық станция күрделі жөндеуден өтті.