Үндістанда газ қымбаттады
Үндістанда Таяу Шығыстағы қарулы қақтығыстың ушығу әсерінен сұйытылған газ қымбаттады.
Рейтердің хабарлауынша, көгілдір отынның бағасы бірден 7 пайызға өскен. Литрі қазір 10 долларға сатылып жатыр. Елдегі мұнай өңдейтін ірі мемлекеттік компаниялар тарифтерін қайта қарастырды. Олардың арасында – «Индиан Ойл», «Бхарат Петролеум» мен «Хиндустан Петролеум корпорейшн» бар. Айта кетейік, Үндістан сұйытылған мұнай газын импорттау бойынша әлемде екінші орындағы ел. Оның 90 пайызы Таяу Шығыс арқылы тасымалданады.