Пәкістан Иран үшін жүк транзитін ашты
Пәкістан Ираннан жүк тасымалдау үшін Ормуз бұғазын айналып өтетін алты құрлық дәлізін іске қосады.
Жергілікті Карачи портында Иранға жеткізілуге тиіс 3 мыңнан аса контейнер жиналып қалған. Қазір оларды құрлық арқылы тасымалдау басталып кетті. Билік Иран шекарасы маңында орналасқан Гвадар портын ірі транзиттік торапқа айналдыруды жоспарлап отыр. Құрлық жолдарының қажеттілігі АҚШ-тың Ормуз бұғазында орнатқан теңіз блокадасынан кейін туындады. Шектеулерге байланысты Иран порттарында 30-дан астам кеме қаңтарылып тұр.