ДДСҰ Газа ауруханаларына отын жеткізуді тоқтатады
Дүниежүзілік денсаулық сақтау ұйымы Газа секторына дизель отынын жеткізе алмай қалды. Себеп – қаржы таусылған. Сөйтіп Газадағы 20-дан аса аурухана енді жылу тұрмақ, ота жасай алмайды. Бұйрық 19 қыркүйектен бастап күшіне енеді.
Бұл туралы Газаның Денсаулық сақтау министрлігі хабарлады. Ведомство басшысы Мунир әл-Бурштың айтуынша, дизель жарық беруге, медициналық құрылғылары үздіксіз жұмысы үшін қажет. Енді жансақтау, ота жасау бөлімдер мен жедел жәрдем қызметі тоқтап қалуы мүмкін. Тек бір ғана жол – ауруханалар отынды өздері сатып алуына болады. Бұл үшін науқастардан ақы алуға тиіс. Бұған дейін мұнда барлық медициналық көмек тегін көрсетіліп келген еді.
