Ормуз бұғазында мұнай супертанкері жарылды

Су көлігі минаға түскен. Бұл туралы Иранның Ислам төңкерісі сақшылар корпусы мәлімдеді. «Рейтер» агенттігі Панамаға тиесілі «Эль Гайа» деп аталатын кеменің траекториясын анимация ретінде жариялады.

Танкер бұғаздың оңтүстігіндегі тыйым салынған аймақтан өтіп бара жатқанда теңіз минасына тап болған. Бұл аумақтың қауіпті екендігі бұдан бұрын жарияланған. Иранның Ислам төңкерісі сақшылар корпусы бұғаздың жабық және өз бақылауында екенін ескертеді.