Кахбуб тауы – Йемендегі негізгі ұрыс алаңы 

Осы уақытта, Таяу Шығыста кескілескен ұрыс жүріп жатыр. Хуситтер қазір Кахбуб тауын басып алуға тырысып, шабуылды үдетті.

Йеменнің оңтүстігіндегі Лахдж және Таиз провинцияларының арасында орналасқан таулы аймақ Қызыл теңіздегі Баб-эль-Мандеб бұғазына жақын, шамамен 40 шақырым қашықтықта орналасқан. Сондықтан стратегиялық тұрғыдан өте маңызды. Әрі хуситтер таулы аймақтарды басып алу арқылы, үкімет қарамағындағы жерлерді иеленуге күш салады. Соның бірі – Аден қаласы. Бұл жер бейбіт тұрғындар үшін қауіпсіз еді. Босқындардың дені осында келіп бас сауғалап отыр.