430,73 519.25 5.71
+7 (7172) 757 485 24kz@khabar.kz
ҚАЗ

Алматыда қатаң карантин енгізіледі

  • 229
  • UPD: 15:57, 11.03.2021

Алматы әзірге «қызыл аймақта» қалады. Мегаполиске қатаң шектеулер енгізіледі.

Қаланың бас мемлекеттік санитарлық дәрігері Жандарбек Бекшин 13 наурыздан бастап жаңа қаулының күшіне енетінін хабарлады.

Бұдан былай кездесулер мен басқа да іс-шаралар тек онлайн түрде өтеді. Ашық базарлар жексенбі, ал жабық базарлар сенбі, жексенбі  күндері жұмысын тоқтатады. Фуд-корттар тек алдын ала берілген тапсырысты жеткізіп береді. Сауда орталықтары демалыс күндері жабылады. Шектеу кафе мен мейрамханаларды да айналып өткен жоқ. Оған  таңғы 9-дан кешкі 8-ге дейін баруға болады. Ал театрлар, кинотеатрлар мен концерт залдары өз жұмысын мүлдем тоқтатады. Сонымен қатар өңіраралық және қалалық ішінара жүретін туристік көлік қозғалысына тыйым салынады. Коронавирустың алдын алу үшін  ертелі-кеш қарбалас сәтте қоғамдық көліктердің санын арттыру көзделіп отыр. Сондай-ақ наурыз және басқа да мерекелік ұжымдық іс-шараларды жаппай тойлауды ұйымдастыруға тыйым салынады.

Хабар 24 телеарнасы